သူ ... တကယ်ပြန်မလာတော့ဘူး ...
လွမ်းတဲ့အကြောင်းတွေ အများကြီး ပြောပြခဲ့ပြီးပြီ ...နည်းနည်းလေးတောင် အဖတ်မလုပ်ဘူး ။ သူ့ကိုချစ်ပါတယ်ဆိုပြီး ဘယ်အရာနဲ့မဆို တိုင်တည်ပြီး ကြေငြာခဲ့ပြီးပြီ ဒါပေမယ့် နည်းနည်းလေးတောင် စိတ်၀င်စားဟန် မတူဘူး ။ အကြာကြီး ရပ်နေကြည့်ပြီးသွာပြီ ဒါပေမယ့် သေချာသွားခဲ့ပါပြီ သူ တကယ် ပြန်မလာတော့ဘူး ။
ကျွန်တော်တို့က သိပ်ချစ်ခဲ့တာဗျဆိုပြီး ပြောခဲ့မိတဲ့ စကားတွေကို အားတွေနာရတယ် ။ သူကျွန်တော့်ကို မချစ်တော့ဘူးဆိုတာ သေချာသွားတဲ့အခါကျ ကိုယ့်မှာနာကျင်ရတယ်လေ ။ ငါတို့ချစ်ခဲ့တာ တစ်နှစ်တည်း နှစ်နှစ်တည်းလဲ မဟုတ်ဘူးလေကွာ ဘာလို့ ဒီလောက်တောင် ရက်စက်နိုင်ရတာလဲဆိုတဲ့ အမေးတွေကို ကိုယ်ကပဲမေးပြီး ကိုယ်ကပဲ အဖြေတွေ ပြန်ရှာနေရတာမျိုးလေ သူ့ဖက်က ချန်ထားခဲ့ခြင်းတွေအတွက် ဘာအကြောင်းပြချက်မှ ရှိမနေတော့ဘူး ။
ချစ်ခဲ့တုန်းက ချစ်ခဲ့တာပဲ ပြီးတော့ မချစ်တော့ဘူးဆိုတဲ့အခါ မချစ်တော့တာပဲ တဲ့ ။ လွယ်လိုက်တာ အဲ့လိုမျိုးနေနိုင်တဲ့အထိ ကိုယ်လဲ ရင့်ကျက်ချင်ပါတယ် ဒါပေမယ့် အတွေးထဲမှာတောင် မင်းမရှိတော့ရင်လို့ တွေးမိရုံနဲ့ အလိုလို မျက်ရည်၀ဲရတာမျိုးမို့ မင်းမချစ်ချင်တော့လို့ဆိုတဲ့ နေ့ရက်တွေက အရမ်းကိုပဲ မှောင်လဲမှောင်တယ် မည်းလဲ မည်းတယ် ။ ဘာဆိုဘာမှ ကိုယ့်အနားကျန်နေခဲ့သလိုမျိုး နာကျင်ရတယ် ။ နှလုံးသားတစ်ခုလုံးကို ကိုင်ဆွဲနှုတ်လိုက်သလိုမျိုး ရင်ထုမနာတွေ ဖြစ်ရတယ် ။
ချန်ထားခဲ့မယ်ဆိုတုန်းကလဲ ကျွန်တော်က အများကြီးတားခဲ့တယ်နော် ... ကျေးဇူးပြုပြီးတော့ဆိုတဲ့ စကားတွေ အများကြီးသုံးတယ် ။ တောင်းပန်ပါတယ်ဆိုပြီး မမှားပဲနဲ့လဲ ခေါင်းတွေ အများကြီး ငုံ့ခဲ့တာပဲလေ ။ မင်းမရှိတော့ရင် ငါသေမှာဆိုတဲ့စကားဟာ မုသားမဟုတ်ခဲ့ဘူးလေ ။ မင်းမရှိတော့ဘူးဆိုတဲ့အခါ ငါ့မျှော်လင့်ချက်တွေ အိပ်မက်တွေ အရီအပြုံးတွေ မနက်ဖြန်တွေ အားလုံးဟာ သေဆုံးသွားခဲ့တာပါပဲ ။
ချန်ထားပြီးတဲ့နောက်မှာ ... မျှော်နေခဲ့သေးတယ် ။ တစ်နေ့ သူပြန်လာမှာပါဆိုပြီး မျှော်လင့်နေခဲ့သေးတယ် ။ တစ်နေ့ သူ ပြန်ချစ်လာမှာပါဆိုပြီး တွယ်ကပ်နေခဲ့သေးတယ် ။ ဒါပေမယ့် အရာရာက ဘာတစ်ခုမှ ပြောင်းလဲလို့ မရတော့ဘူး ။ သူ ကျွန်တော့်ကို မချစ်တော့ဘူးဆိုတာလဲသေချာပါတယ် ။ ပြီးတော့ ပြန်မလာတော့ဘူးဆိုတာကလဲ တကယ်ပဲသေချာသွားခဲ့ပါပြီ ။
သူ ပြန်မလာတော့ဘူး ... သူ့အသံလေး မကြားရတော့တာ တော့်ကို ကြာပြီ သူ့နာမည်လေး မခေါ်ရတာ အတော်ကြာပြီ သူပို့တဲ့ စာလေးတွေ ဖတ်ရင်း မပြုံးရတော့တာ အတော်ကြာပြီ ဒီနေ့ ဒီအချိန်ထိ မျှော်နေမိတဲ့ ကိုယ်ကပဲ ရူးနေလို့ဖြစ်မှာပါ ... သူကတော့ တကယ်ပြန်မလာတော့ဘူးဆိုတာ သေချာနေတဲ့အပြင် သူ့ဘ၀နဲ့သူတောင် အပျော်ကြီးပျော်လို့ တစ်ချိန်က ရှိခဲ့ဖူးတဲ့ ကိုယ့်ကိုယ်တောင် မှတ်မိမယ် မမှတ်မိဘူးဆိုတာ မသေချာတော့ဘူး ။
#ကျေးကို
Comments
Post a Comment