ဘယ်တော့မှ လှဲမချနဲ့

 ဘယ်တော့မှ လှဲမချနဲ့

==============

ဘဝမှာ စိတ်ညစ်စရာ၊ စိတ်ကျစရာတွေကြုံတဲ့အခါ 

မခံနိုင်တော့တဲ့အဆုံး ကျွန်တော်တို့ အရှုံးပေးလိုက်ချင်မိတယ်

အဆုံးစွန်ကတော့ 

လောကကြီးကပါ ထွက်သွားချင်တဲ့သူတွေ မရေမတွက်နိုင်အောင်ပါပဲ

ဒီလိုစိတ် 

သင့်မှာ အရိပ်လို ကပ်နေပြီဆိုရင်

ကဲ မိတ်ဆွေ ...

ခုချက်ချင်း သင့်ခြေနှစ်ဖက် မြေပေါ်မတ်လို့ ခြေစုံရပ်လိုက်ပါ

သင် ဝမ်းလျားကနေ လေးဖက်ထောက်

လေးဖက်ထောက်ကနေ မတ်တတ်လျှောက်ဖို့

"ဘယ်နှကြိမ်တောင် လဲကျခဲ့ရလဲ" ဆိုတဲ့ အရေအတွက် 

သင် ခုဘယ်မှတ်မိနိုင်မလဲ

ဘာမှန်းမသိသေးတဲ့ အရွယ်မှာ 

မရေမတွက်နိုင်လောက်အောင် ပြိုလဲခဲ့တဲ့ သင်က

ခုထိ မတ်တတ်ရပ်ပြနိုင်သေးတာပဲ

ခု ...

သင့်မှာ ခွန်အားရှိတယ်

ဆင်ခြင်တုံ တရားရှိတယ်

မင်း ဘာလုပ်နေမှာလဲ 

လမ်းလျှောက်ရင်း လမ်းပျောက်နေလို့ဆိုပြီး 

ပြိုလဲနေလို့မှမရတာ

လမ်းဖောက်သင့်ရင်လည်း ဖောက်ရမှာမို့ 

ဘယ်သူ့လက်ခုပ်သံမှ စောင့်မနေနဲ့

 

ပြိုလဲနေသမျှ ရဲရဲကြီးပြန်ထ 

ဒါ မင်းရှေ့ဆက်ရမယ့် ဘဝပဲ သူငယ်ချင်း …။

ဆြာချစ်

(၂၀၂၂ ဇူလိုင် ၆)