#ဇာတ်ပို့တစ်ယောက်ပါ

 ( #ဇာတ်ပို့တစ်ယောက်ပါ )

 

ကံကြမ္မာ ရေးတဲ့ ဇာတ်ညွှန်းမှာ

လူတချို့က အရာရာ

ကိုယ်ကတော့ ပြာတာ

ဇာတ်ကိုက နာတာ။

ဟာသတွေ ပြောတာက ငါ

ရယ်မောသွားတာက သူတို့

အပြုံးတွေကြောင့် အကယ်ဒမီရတော့

သရုပ်ဆောင်ကောင်းသတဲ့

#ဇာတ်ကိုကနာတာ

ချစ်ပြမိခဲ့တာက ငါ

ကြင်နာနေကြတာက သူတို့

မျက်ရည်တွေကြောင့် အကယ်ဒမီရသွားတော့

လွမ်းတတ်လိုက်တာတဲ့

#ဇာတ်ကိုကနာတာ

တန်ဖိုးထားခဲ့တာက ငါ

ယုယနေကြတာက သူတို့

ဂရုဏာတွေကြောင့် အကယ်ဒမီရသွားတော့

မြတ်နိုးတတ်လိုက်တာတဲ့

#ဇာတ်ကိုကနာတာ

ငါ့မှာတော့ သူစိတ်ကောက်ရင်

ကမ္ဘာတဝက်ပျောက်သလို 

ဦးတည်ရာ မဲ့ခဲ့ရတာ

သူကတော့ တခြားသူနဲ့ စိတ်ဆိုးရင်

ဝေဒနာတွေ ပျိုးပြီး

ငါ့ဆီမှာ ငြိုးတယ်

#ဇာတ်ကိုကနာတာ

ငါကတော့ သူ့မျက်နှာလေး ပျက်ရင်

ကမ္ဘာပျက်သလိုခံစားနေတာ

သူက တခြားလူဆီမှာ တောက်ပပြီး

ငါ့ဆီမှာ ကြွေကြသော ကြယ်တပွင့်ပေါ့

#ဇာတ်ကိုကနာတာ

အေးလေ ဇာတ်ပို့ဇာတ်ရံပဲဆိုပြီး

အထီးကျန်လည်း သည်းခံရတော့တာပေါ့

မိတ်ကပ်တွေနဲ့လူတွေကို လှတယ်ထင်နေမှတော့

သနပ်ခါးအရည်ကြဲလိမ်းထားတဲ့ ငါ့ကို

ဘယ်မြင်နိုင်မလဲလေ

(#ဇာတ်ကိုကနာလွန်းတာပါ)

ညို့သခင်