ချစ်သောသူ သိစေ

 ချစ်သောသူ သိစေ

°°°°°°°°°°°°°°° 💌

ချစ်တတ်တာပေါ့

ဒါပေမဲ့

ငါက ခဲမှန်ဖူးတဲ့ စာသူငယ်လေ

ဒဏ်ရာတွေ သွေးတိတ်ပေမဲ့ 

မေ့မရတဲ့ အမာရွတ်တွေမှ ငါ့စိတ်မှာ အခါခါပဲ

ချစ်တယ်လို့ ပြောချင်တာပေါ့

ဒါပေမဲ့

လူတိုင်းပြောနေကြစကား ဘာထူးခြားမှာလဲလို့

ခံစားချက်တွေ မကြည့်ဘဲ 

စာလုံးပေါင်းဖတ်နေမှာတော့ ငါစိုးရိမ်မိတာ အမှန်ပါပဲ

ချစ်နေတာတော့ သိတယ်

အများကြီးတော့ မဟုတ်ဘူး

အရင်လို Messenger လာတဲ့ တ hi hi တွေ 

Reply ပြန်ဖို့ စိတ်မကူးတော့ဘူး

မလိုအပ်ဘဲ ခပ်ချောချောမြင်တိုင်း

ရင်ခုန်သံတွေ တဒိုင်းဒိုင်းလည်း မဖြစ်တတ်တော့ဘူး

စိတ်မပျော်ဘူးဆိုတဲ့ အကြောင်းပြချက်တွေအတွက် 

မရေရာ ဖြေသာသူတွေနဲ့ Video Call တွေ မပြောဖြစ်တော့ဘူး

အမှန်ကို မရောက်ပေမဲ့ 

ရှေ့ဆက်မမှားဖို့ မင်းမျက်နှာပေါ်လာတယ်

ပြီးတော့ 

နှလုံးသားက တားတယ်

မင်းသူ့ကို ချစ်ရင်တရားပါတဲ့

ဒီလိုနဲ့ပဲ

ချစ်သူအဖြစ်လည်း တရားမဝင်

ခင်ဗျားလေးဘက်ကလည်း မကြင်နာသေးတဲ့ကာလမှာ

အိပ်မရရင် မင်းအကြောင်းတွေး

တစ်ကိုယ်တည်း ခပ်ဆွေးဆွေးနဲ့ 

အဖော်မဲ့ အထီးကျန်ချိန်တွေ

ချစ်သောသူ သိပါစေ…။

ဆြာချစ်

(၂၀၂၂ ဇူလိုင် ၂)