"ပျိုးထောင်သင့်တဲ့ အလေ့အကျင့် (၅) ခု "

 "ပျိုးထောင်သင့်တဲ့ အလေ့အကျင့် (၅) ခု "

၁ - မပြောဘူး

သိပေမဲ့ အတင်းဝင်မပြောတတ်တဲ့ အကျင့်ကို မွေးပါ။ အရာရာငါသိ ငါတတ်လုပ်သူကို ဘယ်သူမှ သဘောမကျပါဘူး။ မသိဘဲ ဝင်ပြောတဲ့အကျင့်ကိုတော့ ဖျောက်ပစ်ရမှာဖြစ်ပါတယ်။

၂ - မငြီးငြူဘူး

အမြဲတမ်းငြီးငြူနေသူကို ဘယ်သူမှ သဘောမကျပါဘူး။ တော်ရုံနဲ့ မငြီးငြူတတ်တဲ့ အကျင့်ကိုလည်း ပျိုးထောင်ရမှာ ဖြစ်ပါတယ်။

၃ - စိတ်ရှည်ပါ

စိတ်မရှည်တတ်တာကြောင့် သင့်ကို မိတ်ဆွေတွေက ပေါင်းသင်းရမှာ လန့်တတ်ပါတယ်။ စိတ်ရှည်တတ်အောင်လည်း လေ့ကျင့်ထားသင့်ပါတယ်။

၄ - ချီးကျူးတတ်ပါစေ

တစ်ဖက်လူကို ချီးကျူးဖို့ လူတွေက ဝန်လေးတတ်ကြပါတယ်။ ဒီလိုဝန်လေးမှုကို ဖျောက်ပါ။ တကယ်တော်တဲ့လူကို အရှိအတိုင်း ချီးကျူးတတ်ဖို့ လိုပါတယ်။ သူ့ကို အသိအမှတ်ပြုတာကြောင့် သင့်ကိုလည်း ပြန်အသိအမှတ်ပြုမှာ ဖြစ်ပါတယ်။

၅ - မစပ်စုဘူး😯

ကိုယ့်ကို မပြောတဲ့ကိစ္စကို မစပ်စုတတ်တဲ့အကျင့်က အလွန်ကောင်းပါတယ်။ ကိုယ့်ကို မခေါ်တဲ့ စကားဝိုင်းကိုလည်း ဝင်မပါပါနဲ့။ ဒီလိုအကျင့်ကြောင့် သင်ဟာ လေးနက်သူ၊ ကိုယ်ဘာကိုယ် အေးဆေးနေတတ်သူအဖြစ် လူတွေက လေးစားမှုနဲ့ ခင်မင်ပါလိမ့်မယ်။

Ye Tway (kml)

5-1-2020/4-7-2021

#yetway#kml#Credit#