ပြိုင်ဘက် 💌
“မင်းရဲ့ပြိုင်ဘက်ဟာ ဘယ်သူလဲသိချင်ရင်
မှန်ထဲကိုကြည့်လိုက်ပါ။
အဲ့ဒါမင်းရဲ့ တကယ့်ပြိုင်ဘက်ပါပဲ...”
မင်းရဲ့ ပြိုင်ဘက်ဟာ မင်းကိုယ်တိုင်ပဲ..။
မင်းယှဉ်ပြိုင်ရမှာ တခြားသူတွေနဲ့ မဟုတ်ဘူး။ မင်းကိုယ်မင်းပဲ .. အမြဲယှဉ်ပြိုင်နေရမှာ။
မင်းဟာနေ့စဉ်တော်နေရမယ်။
မနေ့ကတော်တဲ့မင်းထက်၊ ဒီ မင်းက ပိုတော်နေရမယ်။
ဒီနေ့တော်နေတဲ့ မင်းကို နိုင်အောင်ပြိုင်ရမှာကလည်း မင်းကိုယ်တိုင်ပဲ..
မနေ့က မင်းရဲ့ အောင်မြင်မှုစံချိန်ကို ဒီနေ့ ချိုးပစ်ရမှာက မင်းကိုယ်တိုင်ပဲ...။
မင်းယှဉ်ပြိုင်နေတာ ဘယ်သူနဲ့ မှ မဟုတ်ဘူး။
ဘယ်သူနဲ့ မှလည်း ယှဉ်ဖို့ စိတ်မဝင်စားနဲ့။
မင်းကို သူများတွေက လိုက်ပြိုင်နေလည်း
မင်းစိတ်မဝင်စားနဲ့။
သူများတွေနဲ့ ယှဉ်ပြိုင်ရတာထက်၊ ကိုယ့်ကိုယ်ကိုယ်ယှဉ် ပြိုင်နေရတာ ပိုစိတ်လှုပ်ရှားဖို့ကောင်းပါတယ်။
ပြီးတော့ ဘယ်တော့မှ ကိုယ့်ကိုယ်ကို တခြားသူတွေ နဲ့လိုက်ပြီး မနှိုင်းယှဉ်နဲ့။
နှိုင်းယှဉ်ချင်သပဆိုရင်...
“မနေ့ကငါနဲ့ vs ဒီနေ့ငါ” ဆိုတာပဲ အမြဲနှိုင်းယှဉ်ပါ။
မင်းကမင်းပဲ သူတို့က သူတို့ပဲ။
မင်းအောင်မြင်ချင်ရင် မင်းရဲ့ အောင်မြင်မှုကိုပဲ မင်းစိတ်ဝင်စား။
သူများရဲ့ အောင်မြင်မှုတွေကို စိတ်ဝင်စားမနေနဲ့။
မင်းတိုးတက်ချင်ရင် မင်းရဲ့ နေ့စဉ်တိုးတက်မှုကိုပဲ မင်းစိတ်ဝင်စား။
သူများတွေရဲ့ တိုးတက်မှုတွေကို ထိုင်ကြည့်မနေနဲ့။
မင်းမှာ သူများတွေကို အားကျနေရမယ့် အချိန်မရှိဘူး။
မင်းအောင်မြင်မှုကို မင်းကိုယ်တိုင် အားကျတဲ့အထိ၊ ကျေနပ်တဲ့အထိ မင်းကြိုးစားရမှာပဲ။
မင်းဟာ ပြိုင်ဘက်ထက်ပိုတော်ရမယ်။
မင်းပြိုင်ဘက်ကလည်း မင်းထက်ပိုတော်ရမယ်။
မင်းရဲ့ပြိုင်ဘက်က မင်းပါပဲ။
ဒီလိုဆိုရင် မင်းဟာနေ့စဉ် တော်သည်ထက်တော်လာတဲ့ လူတော်ဖြစ်လာလိမ့်မယ်။
မင်းကိုယ်မင်းသာ ပြိုင်လိုက်စမ်းပါ...
မနေ့က တော်ပါတယ်ဆိုတဲ့ မင်းထက်
ဒီနေ့ ပိုတော်အောင် ပြိုင်လိုက်စမ်းပါ။
ဒီနေ့တော်နေပါတယ်ဆိုတဲ့ မင်းထက် မနက်ဖြန်မှာ ပိုတော်အောင် ပြိုင်လိုက်စမ်းပါ။
မင်းတနေ့ ဒီထက် ပိုမိုတိုးတက်အောင်မြင်လာမယ်ဆိုတာ အသေအချာပဲပေါ့။
Comments
Post a Comment