မာနတွေထားနေမယ့်အစား လူတိုင်းအပေါ် မေတ္တာထားပါ

မာနတွေထားနေမယ့်အစား လူတိုင်းအပေါ် 

မေတ္တာထားနိုင်အောင် ကြိုးစားမယ်...

တစ်ယောက်နဲ့တစ်ယောက် ပြိုင်ဆိုင်နေမယ့်အစား

လိုအပ်တဲ့သူတွေကို ဖေးမကူညီမယ်...

" ငါ " ဆိုတဲ့ အတ္တစွဲနေမယ့် အစား ကိုယ်နဲ့တွေ့ဆုံတဲ့ ဘယ်သူအပေါ်မှာပဲ ဖြစ်ဖြစ် အတတ်နိုင်ဆုံး စေတနာထားမယ်...

ကိုယ့်ကိုမလိုတဲ့သူကို မုန်းတီးနေမယ့်အစား သူ့တို့ဘဝအေးချမ်းပါစေလို့ မေတ္တာပွားလိုက်မယ်...

ဒဏ်ရာတွေကို ပိုပြီးနားလည်လာတဲ့ အခါ 

မနာကျင်ရတော့ဘူး သူ့ဆီကနေ ကိုယ့်အတွက်

ပိုကောင်းတဲ့ သင်ခန်းစာတွေရှိတယ်...

ပတ်ဝန်းကျင်ရဲ့ တိုက်ခိုက်ခြင်းတွေကြောင့် 

ပြိုလဲရတာလဲ ခဏတာပါပဲ...

ဘယ်လိုတိုက်ပွဲပဲဖြစ်ဖြစ် စိတ်ထားကောင်းတဲ့သူက 

အမြဲတမ်း ပထမပဲ အစကတည်းကလဲ မရူံးသလို အမြဲတမ်းအောင်နိုင်ပြီးသားပါ...

ဖြူစင်တဲ့သူကို ဘယ်သူမှအရောင်ဆိုးလို့

မရသလိုပဲ အရောင်တွေအမျိုးမျိုး ပြောင်းတတ်တဲ့သူဟာလည်း ဘယ်တော့မှ ဖြူစင်ခြင်းရဲ့ တန်ဖိုးကို

သိမှာမဟုတ်ဘူး...

ကိုယ့်ဘဝကို ကိုယ်သာနားလည်ဆုံးမို့ ဘယ်သူခင်းပေးတဲ့လမ်းမှ မလျှောက်တတ်သလို ဘယ်သူပေးတဲ့ နာကျင်စရာတွေကိုလည်း မယူတတ်ဘူး...❤။

ဆုမြတ်နိုး (𝐰.𝐬)