လှတတ်ပါစေ ညီမလေး
--------------------
ဤ ဆောင်းပါးလေးသည်
အမျိုးသမီးလေးတွေအတွက်
အဓိက ရည်ရွယ်ထားပါ၏
မိမိတို့ရဲ့ မိန်းခလေး ဂုဏ် သိက္ခာ ထိန်းတတ် သိမ်းတတ်စေလိုသော ဆန္ဒဖြင့်
စာရေးသူရဲ့ မေတ္တာ စေတနာ ကို
သိနားလည်နိုင်ကြပါစေ
မိန်းကလေးဆိုတာ နေတတ် ထိုင်တတ် ပြောတတ် ဆိုတတ် ဝတ်တတ် စားတတ်မှ တန်ဖိုးရှိတယ်ဆိုတာ စိတ်မှာ ခိုင်မာစွာ သိထားပါ
`မိန်းကလေးသတိပိုတယ်မရှိ´တဲ့
ဘာပဲလုပ်လုပ် အိနြေ္ဒ အထိန်းလေးနဲ့ သတိထားရတယ်
ဒါမှ အခြားသူတွေ ထိကပါး ရိကပါး မလုပ်ရဲတာ
ယဉ်ကျေးသိမ်မွေ့တော့ လူလည်းလေးစားတယ် အထင်လည်းကြီးကြတယ် မိမိဂုဏ်လည်း တတ်တယ်
တော်ယုံ ယောင်္ကျားလေးတွေ မစ မနောက်ရဲဘူး
အနေအထိုင် အဝတ်စားဆင်ယဉ်မှုကလည်း
ပိရိသေသပ်တော့ ရုပ်ခံပါရမီ အားနည်းတောင်
ကြည့် လို့ အဆင်ပြေလှတယ်
သွားသင့် မသွားသင့် ပြောသင့် မပြောသင့်
ဝတ်သင့် မဝတ်သင့် အစစအရာရာမှာ ဆင်ခြင်တွေးတောတတ်ပြီး
မိန်းကလေးတို့ ရဲ့အရှက် နဲ့ သိက္ခာကို အမြတ်တနိုးတန်ဖိုးထားတတ်ရမယ် ဒါဆို
ရွှေဖလားကြီး အနားကွပ်စရာ မလိုသလိုပေါ့
ဘယ်လိုပဲကြည့်ကြည့် လှနေတယ်
တန်ဖိုးတွေ တက်နေတတ်တယ်
မိမိရဲ့ အလှအပ လေးကိုလည်း နှင်းဆီပန်းလေးလို
ဆူးလေးတွေနဲ့ ကာယံထားတတ်ပါစေ
မိန်းကလေးဆိုတာ အိနြေ္ဒလေးနဲ့ မျက်နှာပိုး သက်တတ်ရတယ် မျက်နှာမများရဘူး မျက်စိမကစားရဘူး
ရှေ့အမျှော်အမြင်လေးနဲ့ ချင့်ချိန်နေတတ်ခါမှ `လင်လိုတုန်း နားပဲ့´ မဖြစ်မှာနော်
ကမ်းလင့်လာတဲ့ လက်တွေကို စောင့်မျှော်ရွေးချယ်ရင်း
မိမိကိုယ်ကို လှပအောင် ပြုပြင်ကာ သိက္ခာမျဉ်းဖြောင့်လေးနဲ့ဘောင်ခက်ထားရတာ မျိုး
နှလုံးသားကယိုဖိတ် မိတယ်ထား ရေလာမြောင်းပေးကလည်း အတော်အသင့်ပဲ ကောင်းတယ် မဟုတ်ရင် မိမိ ဘဝကို တစ်စဆီ ချနင်းသွားတတ်တယ်
နောက်တစ်ခုက လူမှာ အဝတ်ဆိုပေသည့် ဆင်တတ်မှ ယဉ်သတဲ့ တစ်ချို့ မိန်းကလေးတွေများ မပေါ်ယုံတမယ်ပါပဲ
မဆင်မခြင် နေချင်သလိုနေ ဝတ်ချင်သလိုဝတ်နေရင်
နောက်တစ်ခန်းက စိတ်ဆင်းရဲစရာတွေကိုပဲ ပီပြင်စွာ
သရုပ်ဆောင်သွားရလိမ့်မယ် ညီမလေး
မြန်မာ မိန်းကလေးဖြစ်ပြီး မြန်မာလိုဝတ်မှ ကျက်သရေပိုရှိတာပါ
အမျိုးဂုဏ်ဆိုတာ ထိန်းရမယ်လေ
အဆန်းတွေထွန်လွင်းတော့ ရိုးဂုဏ်ပျက်သွားတတ်တယ်
နဂိုရည် နဂိုသွေးလေးနဲ့ ပင်ကို အလှလေးကမှ
ပိုကြည့်ကောင်းတာပါ ပိုယဉ်တာပါ
အဲ့လိုမှလည်း ယောင်္ကျားလေး အတော်များများက မြတ်နိုးတန်ဖိုးထားတာ အသက်ထက်ဆုံး ပိုချစ်ကြတာပါ
မိန်းကလေးတွေပဲ မိမိဘဝလေးကို လက်တွဲဖေါ် ကောင်လေးနဲ့ သစ္စာကတိခိုင်မြဲတဲ့ စိတ်တူ ကိုယ်တူ
မိသားစုဘဝ လေး
စိတ်ကူးလှလှလေးတွေ ပုံဖေါ်ကြည့်တယ်ဟုတ်
ဒါဆို အခုကတည်းက အိနြေ္ဒဆူးလေး ကာထားရမယ် သိက္ခာ ဘောင်လေးကွပ်ထားရမယ် သာယာမှုကို မနှစ်မျို့ရဘူး
နာမည်ကောင်း ထွက်အောင် ထိန်းသိမ်းထားတတ်ရမယ်
`မိမိတန်ဖိုး မိမိသာလျှင် မြှင့်သည် ချသည်´တဲ့
ဒါကြောင့် ` လှတတ်ပါစေ ညီမလေး ´့့့။
Crd
ဝေဆောင်းဦး (တောင်သာ)
Comments
Post a Comment