🔰🔰 ထိပ်ဆုံးမှာ အမေ🔰🔰

 🔰🔰 ထိပ်ဆုံးမှာ အမေ🔰🔰

=======================

        အမေတစ်ယောက်ရဲ့ ခံစားချက်ကို အမေကလွဲပြီး ဘယ်သူမှ သိမှာမဟုတ်ဘူးလေ။အမေလဲ အရင်တုန်းက လူငယ်တစ်ယောက်ပါပဲ။လူငယ်အထိုက် အလျောက်တော့ မှားခဲ့ဖူးပါတယ်။ လူငယ်တစ်ချို့ရဲ့ အမှားတွေကို အမေနားလည်ပါတယ်။ 

     ဘဝမှာ မှားခဲ့ဖူးတဲ့ အမှားများစွာကို အမေ ကောင်းစွာ ခံယူပြီး တိုက်ထုတ်တွန်းလှန်ခဲ့တယ်။ လုပ်ရဲရင် ခံရဲရမယ်လေ။အမှားကို မရင်ဆိုင်ရဲလို့ ရှောင်ထွက်ပြေးနေတာမျိုး အမေမဖြစ်စေချင်ဘူးကွယ်။အမေ မဖြစ်ခင်တုန်းက အမေတစ်ယောက်ရဲ့တန်ဖိုးကို နားမလည်ခဲ့ဘူး။ ကိုယ်တိုင် အမေဖြစ်ပြီဆိုမှ အမေတစ်ယောက်ရဲ့တန်ဖိုးကို နားလည်လာခဲ့တာပါ။

   အမေ့အပေါ်မှာ ငယ်ငယ်က ဆိုးသွမ်းခဲ့တာတွေအတွက်နောင်တ ရမိတယ်။ သန္ဓေတည်တဲ့ အချိန်ကစလို့ မမြင်ရသေးတဲ့ သားသမီးတွေအတွက် အမေ့မှာရှိတဲ့  အချစ်တွေကဒီရေအလား တိုးပွားစေခဲ့ပါတယ်။ မွေးဖွားခါနီးအချိန်မှာ ဘယ်လောက်ထိ  ဒုက္ခခံစားသရလဲ ဆိုတာအ​မေတွေပဲ သိပါတယ်။ သေမင်းကို အသက်ပေးပြီး ကိုယ့် သား

သမီးကို မွေးဖွားပေးရတာပါကွယ်။

    မွေးဖွားလာတဲ့ သားသမီးက အဆိုးလေးပဲ ဖြစ်ဖြစ် အကောင်လေးပဲ ဖြစ်ဖြစ် အမေချစ်ပြီးသားပါ။ လောကမှာ အမေချစ်ဆုံးက အမေ့ ဝမ်းနဲ့လွယ်ပြီး မွေးခဲ့ရတဲ့

သားသမီးတွေပါပဲ။အမေ့ သားသမီးတွေ ဘယ်လောက်ချစ်သလဲဆိုတာ အမေ့သွေးကနေ နို့ရည်အဖြစ်ပြောင်းလဲသွားတာက သက်သေတစ်ခုပါကွယ်။

    လောကဓံမုန်းတိုင်းကြားမှာ အမေရုံးကန်နေရပါစေ အမေ့ သားသမီးတွေအတွက်ဆိုရင် ရဲရဲကြီး ရင်ဆိုင်ရဲပါတယ်။ သားသမီးတွေ ကိစ္စနဲ့ပတ်သက်လာရင် ဘယ်သူ့ကိုမှ အ​မေခွင့်မလွတ်တတ်ဘူး။ အမေ့မှာ သားသမီး

၅ယောက်ရှိတယ်ထားပါ။ အဲ့ဒီ ၅ယောက်ကို အမေ ရှာကျွေးနိုင်တယ်။​လောကအလယ်မှာ မျက်နှာ မငယ်ရအောင် အမေထားနိုင်တယ်။ အမေအောက်ခြေသိမ်းကအစ အလုပ်တွေလုပ်နေရလည်း အမေဆင်းရဲခံနိုင်တယ်။

     ဘယ်သားသမီးတွေဆီကမှ အမေဘာမှ မမျော်လင့်ပါဘူး။ သားသမီးတွေ အဆင်ပြေနေရင်​ ပျော်နေရင် အမေကျေနပ်ပါတယ်။ အမေ့ဘဝမှာ သားသမီးတွေအတွက်ဆိုပြီး နံပါတ် ၁ ပဲဖြစ်ခဲ့တယ်။ နံပါတ်  ၂ ဆိုတာ အမေ့ဘဝမှာ မရှိခဲ့ပါဘူး။သားသမီး​တွေရှေ့မှာ အမေပြုံးနေတာပဲ တွေ့ရမယ်။ အမေငိုနေတာ စိတ်ညစ်နေတာ မတွေ့စေရဘူး။အမေ့ရဲ့ ပင်ပန်းဆင်းရဲမှု့ ဒဏ်ကို သားသမီးတွေမျက်နှာနဲ့ပဲ အပန်းဖြေ​နေရတယ်။

      သားသမီးတွေမမြင်နိုင်တဲ့ နေရာမှာ အမေ့ အခက်

အခဲကို ကြိတ်မှိတ်ပြီး ငိုကြွေးရတယ်။ သားသမီးတွေအရွယ်ရောက်လို့ အမေနဲ့ အခက်မသင့်လို့ စကားများတဲ့အခါ ပြန်ပြောလိုက်တဲ့ ​စကားသံတွေက အမေ့နားထဲ အသည်းထဲထိ နာကျင်​နေရပါတယ်ကွယ်။

   အမေနေ့တိုင်း ဆုတောင်းမိတယ်။ သားသမီးဆိုးတွေမှ ကင်းဝေးပါစေ။ အဲ့လို ဖြစ်သွားမှာ အမေသိပ်ဆိုးရိမ်တယ်။ ဒါကြောင့်လည်း အမေအမြဲတမ်း ဆုံးမမိတယ်။ ဒါပေသိ တစ်ချို့သားသမီးတွေက အရင်လိုမဟုတ်ကြတော့ဘူး။ အသက်ကလေး ရလာတော့ သူတတ် ငါတတ်ဆိုပြီး အမေ့ကိုပြန်ပြောကြတယ်။ အမေအမြဲ နာကျင်ရပါတယ်။ 

   သားသမီးဆိုးတွေအတွက် အမေနာကျင်ရသလို သားလိမ္မာ သမီးလိမ္မာတွေကျ အမေဂုဏ်ယူလို့ မဆုံးဘူး။ အမေ့ သားသမီးတွေ အောင်မြင်မှု့ အသီးသီးရယူကြတဲ့အခါ လောကမှာ အမေ့လောက်ပျော်မယ့်သူ ရှိမယ်မထင်ဘူး။ အမေပင်ပန်းထားသမျှ အမောတွေ ပြေသွားတာပါပဲ။ 

     သားသမီးတွေအတွက်ဆိုရင် အမေအသက်ပေးပြီး ချစ်​နေရသူပါ။ အမေ့ရဲ့သားသမီးတွေ ဘယ်လောက်ပဲ

ဆိုးသွမ်းနေပါစေ အမေမေတ္တာမပျက်ပါဘူး။ချစ်မြဲတိုင်းချစ်နေဆဲပါ။ မေတ္တာမပျက်တဲ့ အပြင် အမေသနားမိပါတယ်။ အဆင်မပြေတဲ့ဘဝ ရောက်နေတဲ့ သားသမီးတွေ ဆို အမေ့ရင်ခွင်ထဲဆွဲခေါ်ထားတယ်။

   ငယ်ငယ်က အတိုင်းပြုစုစောင့်ရှောက်တယ်။ ဂုဏ်ထူးဂုဏ်ဆောင်ရတဲ့ သားသမီး​တွေဆို အမေ ပီတိဝမ်းသာဖြစ်ရတယ်။ တစ်ချို့သော ကိစ္စတွေမှာဆို အမေ ဝင်မပါတော့ဘူး။ သားသမီးတွေကလည်း ကြိုက်မှာမဟုတ်တော့ဘူးလေ။ 

   အမေဟာ သားသမီးတွေအတွက်ဆိုရင် မေတ္တာ ကရု

ဏာ မုဒိတာ ဥပေက္ခာ ဗြဟ္မဆိုရ် တရား၄ပါးကို အမေ လက်ကိုင် ထားပြီး အမေအသက်ရှင်​နေပါတယ်ကွယ်။

💜❤ မေတ္တာဖြင့်အေးချမ်းပါစေ💛💙

❣❣❣❣ ဘုန်းမြတ်သူ❣❣❣❣

ကျွန်တော့ Page ကနေ ဖိတ်ခေါ်ပါတယ် Like & Follow လုပ်ပေးသွားကြပါအုံး👇👇👇👇👇👇👇👇

https://www.facebook.com/A-Lwan-%E1%80%A1%E1%80%9C%E1%80%BD%E1%80%99%E1%80%BA%E1%80%B8-104196402254231/