🙏သူလိုရဟန်း🙏

 🙏သူလိုရဟန်း🙏

🍃စာရေးသူရဲ့ ဘဝသက်တမ်းတလျှောက်နဲ့

စာပေသမိုင်းမှတ်တမ်းများကို ဖတ်ရှု့ရသလောက်

ထူးခြားတဲ့ ပါရမီရှင်ဖြစ်တဲ့ (သူလိုရဟန်း)ကို 

တစ်ကြိမ်တစ်ခါမှ မတွေ့မြင်ဘူးသေးပါဘူး။ 🍃

  🍃ဒါနဲ့သူလိုရဟန်းက ဘာတွေထူးခြားနေလိုလဲသူလိုရဟန်းက ဘယ်သူကို ရည်ညွှန်းတာလဲ🍃

   🍃သူလိုရဟန်းမှာ အများနဲ့မတူ ထူးခြားတာက စာချစွမ်းရည်ထက်မြက်ခြင်း၊  စကားပြောစွမ်းရည် ထက်မြက်ခြင်း၊ပါဠိအရေးအပြောကျွမ်းကျင်ခြင်း၊ပရိသတ်ကို လက်ခံလာအောင် ပြောစွမ်းနိုင်ခြင်း၊ဝိနည်းတော်ကို ကျွမ်းကျင်နားလည်ပြီး ချစ်မြတ်နိုးခြင်း၊ရောင့်ရဲခေါင်းပါးစွာကျင့်ခြင်း၊ သာသနာတော်ကို လွန်စွာချစ်မြတ်နိုးခြင်း၊ကြည်ညိုဖွယ်ဂုဏ်ကို ဆောင်ခြင်း အစရှိတဲ့ ဂုဏ်ပေါင်းတွေ ဝန်းရံလွှမ်းခြုံနေပါတယ်။🍃

 🍃အဲဒီလို စွမ်းအင်သတ္တိတွေနဲ့ ပြည့်စုံနေတဲ့ 

သူလိုရဟန်းဟာ ရဟန်းဖြစ်ပြီးနောက်ပိုင်းမှာ မှော်ဘီ၊ မဟာဝိဟာရကျောင်းတိုက်ကြီးမှာ သီတင်းသုံးနေထိုင်ခဲ့ပါတယ်။🍃

 🍃သူလိုရဟန်း ၊ မဟာဝိဟာရသို့ မရောက်မီမှာ 

ကျောင်းတိုက်မှာ ပညာရေးအားကောင်းမှု မရှိသေးသလို သံဃာပရိသတ်လည်း မများသေးပါဘူး။🍃

 🍃သူလိုရဟန်းရဲ့ အထက်က ဖော်ပြခဲ့တဲ့ စွမ်းအင်

သတ္တိတွေကြောင့် နှစ်အနည်းငယ်အတွင်း မဟာဝိဟာရကျောင်းတိုက်ကြီးဟာ မြန်မာသာမက ကမ္ဘာ့ထိတောင် လူသိများလာခဲ့ပါတယ်။ 🍃

🍃ပညာရေးပိုင်းမှာ တိုးတက်ကြီးပွားလာသလို သံဃာပရိသတ်လည်း ထောင်ကျော်တဲ့ထိကိုလွန်စွာများပြားလာခဲ့ပါတော့တယ်။ 🍃

🍃ကျန်တဲ့ ဆရာတော်နဲ့တကွ စာချအဖွဲ့ကြီးရဲ့ကြိုးစားအားထုတ်မှုကြောင့်လည်း ပါဝင်ပါတယ်။ သို့သော် သူလိုရဟန်းရဲ့ ပါရမီစွမ်းအားက အများနဲ့မတူ တမူထူးခြားနေတဲ့အတွက်ကြောင့် ကြီးပွားတိုးတက်လာတယ်လို့ပြောရင် မဟာဝိဟာရတိုက်မှာ နေထိုင်ဖူးသူတိုင်းက လက်ခံနိုင်ပါလိမ့်မယ်။🍃

🍃လက်ရှိမဟာဝိဟာရကျောင်းတိုက်မှာ အဓိကစာချနေကြတဲ့တိုက်ထွက်အလင်္ကာရ စာချဘုန်းကြီးများဟာ သူလိုရဟန်းရဲ့ တပည့်တွေချည်းပါပဲ။🍃

 🍃လွန်ခဲ့တဲ့ နှစ်မှစပြီး သူလိုရဟန်းဟာ လှည်းကူးမြို့နယ်ကလီထော်ကျေးရွားမှာ မဟာဝိဟာရကျောင်းတိုက်အမည်နဲ့မြေ(၂၅)ဧကပေါ်မှာ ဝိနည်းအဓိက စာသင်တိုက်ကြီးကို ကြိုးစားပြီး ထူထောင်ခဲ့ပါတယ်။ လှည်းကူးကျောင်းတိုက်ကို တပည့်သံဃာ(၅၀)နဲ့အတူ ဝါမဆိုမီ စတင်ပြောင်းရွှေ့ပြီး 

သာသနာပြုခဲ့ပါတယ်။🍃

         

 🍃ဝါဆိုချိန်မှာတော့ သံဃာ(၁၅၀)ထိ  အလွန်လျှင်မြန်စွာ များပြားလာခဲ့ပါတယ်။ ဒါနဲ့သံဃာများရင်ပြီးရောလား၊ ဒီလိုလည်း မဟုတ်ပါဘူး။ စာပေကော ဝိနည်းစည်းကမ်းပိုင်းမှာပါ အင်မတန် စည်းကမ်းကျနအောင်ကို နေ့စဉ်မပြတ် ဟောပြောသွန်သင်း ကျင့်ကြံနေထိုင်စေခဲ့တာကို တွေ့မြင်ခဲ့ရပတယ်။🍃

  🍃စာသင်တိုက်သက်တမ်း နှစ်နှစ်ကျော် အခုအချိန်မှာတော့စာသင်သားသံဃာ(၃၈၀)ကျော် ရှိနေပြီလို့ သိရပါတယ်။ဒါတောင် ဝါမဆိုရသေးပါဘူး၊ ဆက်လက်ပြီးလည်း စာသင်သားသံဃာတွေက ဝင်လာ မစဲသေးပါဘူး။🍃

  🍃အဲဒီလောက် ရဟန်းသာမဏေတွေ အများကြီး ရှိတာတောင်ကျောင်းတိုက်ကား တိတ်ဆိတ်ငြိမ်သပ်နေပါတယ်။ ဒါဖြင့် ဒုတ်ကိုင်ပြီး အာဏာတွေနဲ့ တင်းတင်းကြပ်ကြပ် အုပ်ချုပ်နေတယ်လို့မထင်လိုက်ပါနဲ့။🍃

 🍃ဆရာတော်လေးဟာ မေတ္တာလက်နက်ကို စွဲကိုင်ထားပြီးကရုဏာနှလုံးသားဖြင့် တပည့်လေးတွေကို နားလည်လက်ခံလာအောင် နေ့စဉ်မပြတ် သြဝါဒရတနာတွေကို ချိုသာအေးမြစွာနဲ့ ဆုံးမသွန်သင်

ပေးလေ့ရှိပါတယ်။🍃

🙏အဲဒီလို ဒုတ်မပါ တရားသဖြင့် ဆုံးမတဲ့ အဆုံးအမသြဝါဒရတနာတွေကြောင့်ပဲ တပည့်လေးများဟာ ဝိနည်းသီလကိုလွန်စွာချစ်မြတ်နိုးပြီး စာပေးကျမ်းဂန်တွေကို အလွန်ကြိုးစားကြ

ပါတယ်။🍃

🍃စာကျက်တဲ့ စနစ်ကိုကလည်း အသံတိတ် စနစ်ဖြစ်လို့ကျောင်းတိုက်ကြီးဟာ အမြဲတမ်းလိုလို တိတ်ဆိတ်ငြိမ်သပ်နေရခြင်း ဖြစ်ပါတယ်။🍃

  🍃သူလိုရဟန်းဟာ တည်ကြည်ငြိမ်သက်ပြီး တနေကုန် စာချပြီး သာသနာအလုပ် အားထုတ်နေလို့ သက်တော်ကြီးပြီး မထင်လိုက်ပါနဲ့။🍃

           

🍃သက်တော်က(၃၃)၊ဝါတော်က(၁၃)ဝါသာ ရှိသေးလို့ အနာဂတ် သာသနာတော်အတွက် လွန်စွာ အားကိုးထိုက်တဲ့ အရွယ်တော် နုပျိုနေသေးတဲ့ ဆရာတော်လေးသာ ဖြစ်ပါတယ်။🍃

🍃ဒါ့ကြောင့် စာရေးသူပြောခဲ့တာပေါ့။ ဒီလိုထူးခြားတဲ့ပါရမီရှင်တွေကို သာသနာ့သမိုင်းမှာ မတွေ့ဘူးသေးပါဘူးလို့။🍃

🍃ဒါတောင် အကုန်မပြောရသေးဘူးနော်။

မပြောသင့်လို့ မပြောဘဲချန်ထားတဲ့ ဂုဏ်တွေ အများကြီးရှိသေးတယ်ဆိုတာကိုတော့ အသိပေးလိုက်ပါရစေ။🍃

🍃ကဲ..ဘာပြောချင်လဲ....မယုံရင် သွားကြည့်...

ကျောင်းရောက်တဲ့အခါ အလွန်ကြည်ညိုပြီး မိမိနဲ့ဆိုင်ရာ စာသင်သားတွေကို အပ်နှံချင်စိတ်ပေါက်သွားပါလိမ့်မယ်။ 🍃

🍃တကယ်လို့ စာသင်သား သွားရောက် အပ်နှံတဲ့အခါကျောင်းမဆံ့သေးလို့ ခေတ္တလက်မခံသေးရင်လည်း စာရေးသူကို အပြစ်မတင်ပါနဲ့လို့ ကြိုတင်တောင်းပန်လိုက်ပါတယ်။

ရွှင်လန်းချမ်းမြေပါစေ။

သဗွဟ်မစာရီ(ဓမ်မဝိနယ)