. 😁😁
တစ်ခါကပေါ့ အသုဘအိမ် ဖဲဝိုင်းတစ်ခုမှာ ကောင်လေးတစ်ယောက် ဖဲရိုက်နေတယ်။
ဘန့်ကိုင်တာ ဒိုင်အလှည့်ဆိုတော့ ကောင်လေးက ဒိုင်ပေါ့။
အစပိုင်း ဖဲကောင်းပြီး အတော်စားထား ရတော့
ထိုးသားတွေက လက်ကြီးနေပြီ။
တစ်လှည့်လဲ ပြန်လျှော်ရရော စားထားသမျှ တစ်ခါတည်း ကုန်လုနီးပါး ဖြစ်သွားတယ် ။
ရှုံးနေသူတွေက လိုက်ချင်တာပေါ့ ။
ဒါပေမယ့်...
ဒိုင်မှာက ပိုက်ဆံက သိပ်မရှိတော့ဘူး။
အဲ့ဒါနဲ့ ထိုးဖို့ရာ တွန့်ဆုတ်တွန့်ဆုတ်ဖြစ်နေကြတယ် ။
အဲ့ဒီ အချိန်မှာ လူကြီးတစ်ယောက်ပေါက်ချ လာပြီး ကောင်လေးရဲ့ နောက်မှာဝင်ထိုင်ပြီး ။
ခုလိုပြောချလိုက်တယ် ။
" ကဲ ထိုးကြစမ်းကွာ " ပြီးတော့ ကောင်လေးရဲ့ ပုခုံးကို
တစ်ချက်ပုတ်လိုက်ပြီး
" မပူနဲ့ချ ငါ့တူ နောက်မှာ လေးသောင်း ရှိတယ် " တဲ့ ။
ဒီတော့...
ထိုးသားတွေလဲ ဝုန်းကြတော့တာပေါ့။
ဖြစ်ချင်တော့ တစ်ဝိုင်းလုံး လျှော်ရပါလေရော။
လျှော်ဖို့က ပိုက်ဆံ မလောက်ဘူး ။
ကောင်လေးက ပိုက်ဆံရေရင်း ပြတ်ပြီတဲ့။
အလျှော်မရသေးတဲ့သူတွေက ကောင်လေးနောက်ကလူကြီးကို မျှော်လင့်တကြီး ကြည့်နေကြတယ်။
ဘဲကြီးက သူမဟုတ်သလို ခပ်တည်တည်ပဲ။
အဲ့မှာ မကျေမနပ် ဒေါသသံတွေ ထွက်လာပါရော
" ဟေ့လူ ခင်ဗျားပြောတော့ နောက်မှာ လေးသောင်း ရှိတယ်ဆို ထုတ်လေ " လို့ ဝိုင်းပြောကြတော့ လူကြီးက...
" အေး ရှိတယ်လေ ငါက ဘာကိုထုတ်ရမှာလဲ "
" ဟာ ဘာထုတ်ရမှာလဲ ပိုက်ဆံထုတ်ပေါ့ဗျ
လျှော်ရမယ်လေ...
ခင်ဗျာပဲ လေးသောင်းရှိတယ်လို့ပြောတယ်လေ "
" ဟ လေးသောင်း ရှိတယ်ဆိုတာနဲ့ လျှော်ရမှာလားကွ
ဘာဆိုင်လို့တုန်း "
ဝိုင်းကလူတွေက " ဟာ ဒီလူတော့ကွာ " ဆိုပြီး နဲနဲ လှုပ်လှုပ်ရှားရှား ဖြစ်သွားတယ်။
လူကြီးလဲ ဒေါသထွက်ထွက်နဲ့...
" ငါ့တူကို ငါအားပေးတာကွာ
နောက်မှာ လေးသောင်းရှိတယ်လို့ ပြောတာ
ဘာဖြစ်လဲ "
ဒီလိုနဲ့ တစ်ယောက်တစ်ခွန်းစကားတွေများကြတာပေါ့ ။
အဲ့ဒိအချိန်မှာပဲ...
ရှင်းစရာမရှိလို့စိတ်ညစ်နေတဲ့ ကောင်လေးကထအော်လိုက်တယ်...
" တော်ပါတော့ ဦးလေးသောင်းရယ် " တဲ့ ။😳😱😁😂😂😜
အဲ့မှာပဲ အားလုံးရှင်းသွားတော့တယ် ။
😁😁😁😁😁😁
.
CREDIT..
Comments
Post a Comment