နေပြည်တော်က ရှေးဟောင်းဘုရားများနဲ့ သဘာဝအလှတရား။
နေပြည်တော်ကောင်စီနယ်မြေ၊ ပုဗ္ဗသီရိမြို့နယ်၊ ညောင်ပင်ကြီးစုကျေးရွာမှာရှိတဲ့ သိမ်ကျောင်းတိုက် ဘုန်းကြီးကျောင်းဝင်းအတွင်းမှာ တည်ရှိတာဖြစ်ပါတယ်။ လွန်ခဲ့တဲ့နှစ်ပေါင်း (၁၆၀) ခန့်၊ မြန်မာသက္ကရာဇ် ၁၂၂၀ ခုနှစ်ဝန်းကျင်က ဘိုးတော်ဘုရား (ခေါ်) ပဒုံမင်းလက်ထက်မှာ တည်ထားကိုးကွယ်ခဲ့တာပါ။ ရှမ်းလူမျိုးတွ တည်ထားကိုးကွယ်ခဲ့ခြင်းဖြစ်တယ်လို့လည်း ဆိုကြပါတယ်။ ပညာရှင်တွေရဲ့ လေ့လာဆန်းစစ်ချက်နဲ့ အကိုးအကားအထောက်အထားတွေ အရကတော့ ကုန်းဘောင်ခေတ်၊ အမရပူရခေတ်ရဲ့ လက်ရာတွေဖြစ်တယ်လို့လည်း ဆိုပါတယ်။ စေတီတော်တွေကို အစု (၃) စုအနေနဲ့ တွေ့ရှိရပြီး စေတီတော်စုစုပေါင်း (၄၂) ဆူရှိပါတယ်။ နေပြည်တော်ရဲ့ ပုဂံမြေလို့ တင်စားခေါ်ဝေါ်ကြတဲ့ အတိတ်ရဲ့သမိုင်းမြေ၊ ညောင်ပင်ကြီးစုဘုရားကို သွားရောက်လေ့လာနိုင်စေဖို့ Nay Pyi Taw Times က ဖိတ်ခေါ်လိုက်ရပါတယ်။
Comments
Post a Comment