မိန်းကလေးတွေက ကိုယ့်ထက် အသက်ကြီးတဲ့ လူကို ရွေးချယ်တတ်ကြတဲ့ အကြောင်းအရင်းများ
၁။ ကိုယ့်ထက် ရင့်ကျက်မှုရှိလို့
ကိုယ့်ထက် အသက်ကြီးတဲ့သူတွေဟာ ရင့်ကျက်မှုတွေ၊ အတွေ့အကြုံတွေအများကြီး ရှိတတ်လို့ပါ။ ကိုယ့်ထက်အရာရာကို သိတတ်နားလည်တတ်ကြတဲ့ သူတို့ကို မိန်းကလေးတွေက အားကိုးချင်စိတ်ဖြစ်မိတာကတော့ မထူးဆန်းပါဘူးနော်။ ဒါကြောင့်ပဲ မိန်းကလေးတွေက ကိုယ့်ထက်ရင့်ကျက်တည်ငြိမ်မှုရှိတဲ့ ကိုကြီးတွေကို ရွေးချယ်တတ်ကြတာပါ။
၂။ စိတ်မကစားတတ်လို့
ကိုကြီးတွေဆိုတာက အသက်ငယ်ငယ်ကောင်လေးတွေလို စိတ်မကစားတတ်ကြတော့ပဲ လှတာလေးမြင်ရင် လိုက်ငမ်းတတ်တဲ့ အရွယ်မဟုတ်တော့ပါဘူး။ ဒီတော့ သူတို့ဟာ မောင်လေးတွေထက် အများကြီး စိတ်ချယုံကြည်ရပါတယ်။ ချစ်သူတွေအများကြီးထားမနေတော့ပဲ တစ်ယောက်ထဲကိုပဲ သေချာချစ်ပြီ တစ်သက်လုံးလက်တွဲဖော်အဖြစ် ရွေးချယ်တတ်ကြတဲ့ အရွယ်ဖြစ်တာကြောင့် မိန်းကလေးတွေက ကိုကြီးတွေကို သဘောကျကြတာ ဖြစ်ပါတယ်။
၃။ နားလည်ပေးတတ်ပြီး အမြဲအလျော့ပေးတတ်လို့
ကိုကြီးတွေက သူတို့ချစ်တဲ့သူအပေါ်ကို အမြဲတမ်း နားလည်မှုပေးတတ်တဲ့ သူတွေဖြစ်ကြပါတယ်။ ဗိုလ်ကျသမျှကို အမြဲတမ်း အလျော့ပေးတတ်ပြီးတော့ စိတ်ဆိုးစိတ်ကောက်တိုင်းလည်း ချော့တတ်ကြတဲ့ သူတွေပါ။ ပြသနာတိုင်းကို နားလည်လွယ်ပြီး သေချာဖြေရှင်းနိုင်စွမ်းရှိတဲ့ သူတွေဖြစ်ကြပါတယ်။
၄။ ဂရုစိုက်တတ်လို့
ကိုကြီးတွေက ကိုယ်ချစ်တဲ့မိန်းကလေးကို အရမ်းဂရုစိုက်တတ်ကြတဲ့ သူတွေလည်း ဖြစ်ပါတယ်။ ဘယ်နေရာမှာ မဆို အမြဲဂရုတစိုက်မှုပေးတတ်ကြတဲ့ သူတွေဖြစ်သလို လုံခြုံစိတ်ချရမှုကို ပေးနိုင်တဲ့ သူတွေဖြစ်ကြပါတယ်။ ဒါကြောင့်ပဲ မိန်းကလေးတွေက သူတို့ကို ဂရုစိုက်ပြီး ချစ်တတ်တဲ့ ကိုကြီးတွေကိုပဲ ပိုရွေးချယ်တတ်ကြပါတယ်။
၅။ လက်တွဲဖော်ကောင်းဖြစ်လို့
ကိုကြီးတွေဟာ စိတ်မကစားတတ်ဘူး၊ နားလည်မှုပေးနိုင်တယ်၊ ဂရုစိုက်တတ်တယ်၊ ကိုယ့်အပေါ် အချစ်စိတ်နဲ့ ချစ်တတ်တယ်၊ ဘဝအတွက် ခိုင်မာမှုရှိတယ် စတဲ့အချက်တွေကြောင့် လက်တွဲဖော်ကောင်းတစ်ယောက်ဖြစ်နိုင်လို့ မိန်းကလေးတွေက သဘောကျကြတာဖြစ်ပါတယ်။ ကိုကြီးတွေကို ရွေးချယ်ခြင်းက သူတို့ကို ပိုလုံခြုံမှုပေးနိုင်တဲ့အတွက်ကြောင့်ပါ။
ကဲဘာလုပ်နေတာလဲ ကိုကြီးတစ်ယောက်လောက် မြန်မြန် ရှာတော့လေ
Nay Pyi Taw Times
Comments
Post a Comment